Patois vendéen : Drôle de Belle Mère

Création logo Vendée Montaigu site internet – Agence de communication web print en Vendée

 

Hisoires en Patois Vendéen
Drôle de belle Mère

Mon grand fi-d’vesse de bon à rin

y t’ô prédjis ;quant’y s’rai morte

Tu mettras la kié sos la porte

Et pis t’éras chercher ton pain

Ainsi préchet la mère Mognique

A son gendre qu’étet djère ardent

Et qui tchiret à tchû tôt l’ temps

Sauf peur aller à la barrique

Ma qu’a bé keunnu tchette bounne femme

Qu’à l’ ège djit tcheu ô m’étounne pas

Un gars t’chen foutet pas une rame

Sana compter qu’ allet – êt ‘ papa

Quant’ l’ étét v’nu d’ mander Mennite

La vieille a l’ô z’aret poué v’lu

Oui mais l’ avet à la vavite

Mis la charrue avant les bus

Pis ast’hure qu’l’a trouvé tchette piace

Dame ! ô bouse mal de temps en temps

Et l’ djimanche sés copains d’ vinasse

Se foutant d’li à tot bout d’champ

Mais Gabriel ! t’étas pas fou?

D’aller t’ fourrer chez tchette sorcère

Aussi mauvaise qu’un loup garou

Pis la feille védra comme sa mère…!

Bé …comme le djit tchô grand yaudet

Ma belle mère é -pas ine vedette

Mais dame ast’hure y sé casé

Pis y -aime ben meux l’tét qu’ la gorette

Félix Moreau, Treize-Septiers (85600)